← Videolar sayfasına dön
Bu içerik otomatik olarak çevrilmiştir. Arapça orijinalini görüntüle
السلام عليكم.
وقفة على الماشي مع نيكولاس خوري. طيب، كيف وقفة على الماشي؟ ما هو يا واقف يا ماشي. لا، هي وقفة سريعة ثم نمشي. وإلا فنموذج السليط الإخباري، برنامج نيكولاس واستخدام الكوميديا في تغيير الثوابت والقناعات لدى الناس، هذا يحتاج وقفة أطول، مش وقتها العشر الأواخر من رمضان.
لكن أخ حبيب أرسل لي صورة تغريدة لنيكولاس خوري يصلح جداً أن أعنونها: "كيف تستغفل الناس في خمسين ثانية؟" على طريقة "إزاي تخسر كرشك في خمسين...". لو قالها لي، مش رح أستطيع أرد عليه. إيش هي هذه الكلمة؟ نقولها في آخر الحلقة إن شاء الله.
تعالوا نرجع شوي قبل التغريدة اللي أرسلها لي صاحبنا. قبل كم يوم غرد لنا نيكولاس خوري قائلاً: "في مصر تم حظر الزواج اللي عمرهم تحت الـ 18 سنة. برافو مصر، خطوة مهمة في محاربة زواج القاصرات. عقبال كل الدول العربية". ممتاز جداً. إذاً نيكولاس معجب بحظر الزواج للفتيات والفتيان دون سن الـ 18، ويصفق للنظام القضائي المصري الذي حظر هذا الزواج.
مش بعيد نيكولاس تغريد، فعاد وغرد لنا قائلاً، وركزوا معي لأنه هذه المرة غرد طويلاً: "كل ما تحارب زواج القاصرات بيطلع له جماعة: الرسول عمل هيك، ليش ما نقلده؟ وليش بتجرموا شيء عمله الرسول؟"
طبعاً بعضكم سيقول: "يا أخي بيحكي منطق صحيح، مقنع كلامه بصراحة". بيقول لك نيكولاس: "الرسول ما رح يكون مبسوط لما يشوف زواج القاصرات". إذن هو بيسميه الرسول. مع إنه نيكولاس مش مسلم، يا أخي بيحترم ديني وشكله بيحب الرسول بيحترمه زيه. كمان نيكولاس بيحكي: "زمان الرسول غير زماننا". إذن هو ما بيهاجم الإسلام، هو بيقول لك: "كون مسلم لكن راعي تغيرات الزمان". انفتح قلبك لكلامه، فيستنكر لك نيكولاس أنه "في أب حقير ووضيع علشان الفلوس باع طفلته لواحد شهواني باسم الزواج".
تعالوا نفكفك هذا الكلام المقنع ونشوف مع بعض كيف حضرتك بتبلع الموس وأنت مش داري، وبيستقر في حسك وفي اللاوعي تاعك هذا التأطير: الزواج من القاصرات حقارة ووضاعة وشهوانية ونجاسة، وأكيد الإسلام والرسول بريء من ذلك. وانفتحت نفس نيكولاس على شتائم، فكتب في التعليق على منشوره هو الكلام اللي تركت لكم إياه على الشاشة تقرأوا بأنفسكم.
قبل ما نبدأ، دعونا نتفق على أمور:
أولاً: موضوعي ليس فقط ما يسمى زواج القاصر، وإنما تبيين كيف يتم تزييف الوعي وشحن النفسيات بطريقة تلغي العقل، وهو أمر له أبعاد أبعد بكثير من موضوع زواج القاصرات.
ثانياً: وأنت بتسمع نيكولاس ممكن تظن أنه بيتكلم عن زواج الطفلات. لا، خذ بالك، هو بيستخدم مصطلح "زواج القاصرات" وعارف إيش المصطلح اللي بيستخدمه. ما قالش "زواج الطفلات" لأنه رح يطلع له من يقول: "هؤلاء ليسوا طفلات، أنت بتتكلم عن بنات مثلاً 15 أو 17، مش طفلات". لا، قال "زواج القاصرات". فلن أخوض أنا في زواج الطفلات حتى ما حدش يقول لي: "طيب ما هو في علماء مسلمين حرموا زواج الطفلة، مش بس نيكولاس اللي معترض". لا، خذ بالك، نيكولاس بيعرف القاصر أنها البنت دون سن الـ 18.
طيب، كم سن البلوغ حالياً؟ موقع صحيفة "الإندبندنت" العربية نشر عام 2020 ما توصل إليه باحثون جمعوا بيانات من 38 دراسة شملت عشرات آلاف الشابات من جميع أنحاء العالم، فوجدوا أن سن البلوغ أصبح مؤخراً 8 إلى 13 سنة للبنات. خذ بالك، "الإندبندنت" صحيفة بريطانية مشهورة، مش صحيفة مسلمين. حسب نيكولاس، زواج البنات بين البلوغ إلى 18 سنة، يعني في هذه الخمس إلى عشر سنوات، هذا يعتبر حقارة ووضاعة وشهوانية ونجاسة، ورائع أن مصر منعته. ونحن سنناقش معاً هذا الطرح.
ثالثاً: لو واحد باع بنته علشان الفلوس كما يقول نيكولاس، فهذا سلوك محرم شرعاً ودنيء، سواء كان عمرها 12 ولا 18 ولا 28 ولا 38 ولا أكبر.
المقدمة الرابعة قبل ما ندخل على الموضوع: كثير من الزيجات أصبحت فاشلة قبل الـ 18 وبعد الـ 18. وأنا شباب وفتيات خريجين جامعات ودراسات عليا أقول لهم: "أنتم غير مؤهلين للزواج لأنكم لم تستعدوا لمؤسسة الأسرة". وهذا بفضل النظام التعليمي البائس. بل ما ندعو إليه هو أن يسير الفتيات والشباب في طريق التأهيل نفسياً وعقدياً وفكرياً وعاطفياً واجتماعياً، ثم بعد ذلك الزواج. وإذا تأهلوا مبكراً يتزوجوا ما دام من طبقة المؤهلات الشرعية، ولا ينظر في السن، وإلا فليتأخروا.
طبعاً بما أن النظام العالمي وأذنابه في بلاد المسلمين يسرقون ثروات البلاد وأموال الناس، فيصعبون الزواج، فأصلاً الزواج المبكر أصبح أصعب. وعلينا العمل على تيسير الزواج وتكاليفه، هذه دعوتنا المستندة إلى ديننا. هذه مقدمات وتعالوا الآن نناقش.
لكن قبل ما نناقش، خلينا نسأل نيكولاس: أنت يا نيكولاس كشخص جاي تحكي للناس إيش الصح وإيش الغلط، ممكن تحدد لنا مرجعيتك لو سمحت؟ إيش مسترتك اللي بتحدد بيها الحق من الباطل؟ اللي ما عندوش مسترة بيكون، حسب تعبير إخواننا المصريين، "مزفلت زي كرة الطز". هذه مش مسبة لفكرة، لا يعني زي الكرة المطاطية اللي إحنا بنسميها الكرة المجنونة اللي رايحة من جهة لجهة زي إيه؟ ما بتقدر تمسكه.
هل مرجعيتك النصرانية اللي الأصل إنك بتدين بيها؟ إذا النصرانية، تعال نناقش زواج القاصر في كتبكم. إلا إذا كنت ما بتحترم دينك، ساعتها احكيها بوضوح واطلب من الويكيبيديا تشطب أن ديانتك هي المسيحية.
ولا راح تقول لي مرجعيتك العقل؟ عقل مين؟ عقل الأمريكيين أم الأوروبيين؟ ولا مين بالضبط؟ ولا ليكون أنت شايف عقلك تحديداً مقدس هو اللي بيعرف الحق من الباطل؟
ولا مرجعيتك قوانين الغرب؟ إذا كان كذلك، فممكن تحدد لنا أنهي دولة منهم بالضبط؟ إذا أمريكا، فحسب "الواشنطن بوست" حوالي 248 ألف طفل وطفلة تزوجوا في 10 سنوات فقط ما بين الـ 2000 والـ 2010، وهم يقصدون بالأطفال هنا دون الـ 18، وبعض هؤلاء البنات كانوا بعمر 12 سنة. كمان في ولاية "نيوهامشير" بأمريكا تستطيع الفتاة تتزوج قانونياً في سن 13 سنة بموافقة الوالدين، وفي "ماساتشوستس" في سن 12 بموافقة الوالدين، في "تكساس" على الـ 14. فهل أمريكا هم مرجعيتك يا نيكولاس؟ وإذا مش مرجعيتك، روح احكي لهم: "هذه وضاعة وحقارة ونجاسة وشهوانية". ولا لازم هذا الكلام القرف نسمعه إحنا بس كمسلمين؟
إحنا كمسلمين عندنا مرجعية والحمد لله، وحي محفوظ من رب العالمين، هو الوحيد اللي ما صار عليه تغير عبر القرون، بينما كل شيء آخر تغير في السنوات الأخيرة. والزنا والشذوذ والتحول الجنسي، كل هذه الأشياء اللي كانت مرفوضة مجرّمة عند الجميع أصبحت مسموحة وتصالحت معها كثير من الأديان المحرفة. ولأن الإسلام وحي من خالق الإنسان، فتشريعاته في أمر الزواج مش قوالب غبية جامدة 18 سنة، وكأن هناك حدث كوني سيحدث لهذه البنت على هذا السن بالتحديد يخليها مؤهلة للزواج. الإسلام يضع معايير للشب وللبنت إذا توفرت هذه المعايير أصبح الزواج مناسباً لهما، وهذه المعايير تراعي التباين الفردي والجغرافي والزماني، ما فيش قالب واحد.
الزواج مش لبسة حذاء يا نيكولاس علشان يناسبها نمرة رجل معينة. لما يكون القالب جامد غبي على 18 سنة، يمكن يقول لك أصحابه: "لأن الفتاة بتكون مهيئة نفسياً وجسدياً". طيب، وإذا كانت مهيئة نفسياً وجسدياً قبل 18، بأي حق بتحرمها من الزواج إذا كانت راغبة فيه؟ الإسلام بيشترط أن تكون الفتاة مهيئة نفسياً وجسدياً وما تكون إيش؟ العلاقة الغريزية مضرة بها بغض النظر عن السن.
يمكن يحكي لك: "لا، هو الفتاة بعد 18 بتكون عندها القدرات العقلية فلا يتم التغرير بها". طيب، هناك شباب وفتيات بيبقوا بقدرات عقلية وفهم واستيعاب متدني لحد الـ 28 والـ 38 والـ 80 كمان، وبيغتروا بكلام أمثال نيكولاس خوري كما سنرى. لا، هو علشان يكون الزواج بإذنها لازم يكون عمرها 18. طيب، عندنا سواء كان فوق الـ 18 أو بالغة دون الـ 18، يحرم تزويجها دون إذنها. قال رسول الله صلى الله عليه وسلم: "لا تنكح البكر حتى تستأذن". فكمان مر يا نيكولاس، اشمعنا سن الـ 18؟
حنشوف أنك بتسفه أهل مدينة الخليل لأنهم رافضين اتفاقية الأمم المتحدة. إذا اسمح لي أفترض أن مرجعيتك في هذا الموضوع هو الأمم المتحدة، لأنه هي كمان حددت سن 18 سنة. إذا الأمم المتحدة، فالأمم المتحدة ما عندها مشكلة في الجنس والزنا والمثلية قبل الـ 18، عندها مشكلة بس في الزواج الطاهر الحلال قبل الـ 18. فلا تكون يا نيكولاس مثل الأمم المتحدة. وأنا مهتم حقيقة أعرف جوابك، لأنك فقط بتتكلم عن الزواج قبل الـ 18، وإحنا بنعرف أن كثيراً من الدول في أوروبا وأمريكا بتسمح بالزنا بالتراضي في سن 14، مثل إيطاليا والنمسا والمجر، بينما سن الزواج 18 أو 16 بإذن قضائي. فالزنا قبل ذلك مسموح، أما الزواج فممنوع. فلا تكون أنت زيهم يا نيكولاس، مشكلتك بس مع الزواج.
هل مرجعيتك الأمم المتحدة اللي بتنشر مناهج تعلم كل من الولد والبنت في الابتدائية كيف يقومون بإغواء بعضهم جنسياً تحت عنوان "التثقيف الجنسي" كما في وثائقية "الحرب على الأطفال"؟ وتكلمنا عنها. الأمم المتحدة اللي نشرت دراسة أن مشاهدة الأطفال للأفلام الإباحية مش دائماً ضارة لهم، بل أحياناً مفيدة لهم نفسياً، وبالتالي فقد يعتبر حرمانهم من مشاهدتها انتهاكاً لحقوق الأطفال. الأمم المتحدة ما عندها مشكلة في الجنس قبل الـ 18، بس مشكلة مع الزواج. لكن على الـ 18 بيصبح عندها مشكلة مع ممارسة البنت للدعارة أو ما يسميه أتباع "سيداو" العمل في مجال الجنس، وتعطيها أحكام إنسانية. بيصير عندها مشكلة مع الدعارة دون الـ 18.
كمان الأمم المتحدة والمنظمات الدولية بين تماماً في أزمة أوكرانيا أنه إحنا المسلمين ولا شيء بالنسبة لهم. فمثل ما إحنا لا نعني لهم أي شيء، فهم لا يعنون لنا أي شيء، ولا معبين عيننا لا هم ولا أرقامهم ولا معاييرهم. مش على حساب أنت يا نيكولاس مناصر للمقاومة الفلسطينية؟ هي أممك المتحدة خذلت أهل فلسطين وتآمرت عليهم، بينما اهتمت للأوكرانيين. مين حدد سن الـ 18؟ تصويتات الديمقراطية اللي كنتوا تتغنوا فيها؟ ورجينا وين التصويتات؟ ولا الغرف المغلقة؟ ولا ساسة العالم اللي ساحقينا كمسلمين؟ كل هؤلاء مش مرجعية بالنسبة لنا.
هل هذه هي مرجعيتك يا نيكولاس؟ إذا لأ كمان، فأنا مش شايف لك أي مرجعية ولا مسطرة، واللي ما عنده مسطرة فما يزعل بين الناس إذا شافوه مسخرة. فكيف تريد الناس يسمعوا لك وأنت بلا مرجعية؟ روح اعمل مرجعيتك الخاصة، "التعاليم النيكولاسية"، أعلنها على الناس وبعدين تعال نحكي.
نيكولاس خوري اللي جاي يعلمنا الصح والغلط وإيش الحقارة والوضاعة والشهوانية والنجاسة، ويوزع على الناس الألقاب. اللي خالفوا كلامه بالنسبة له، الزواج الطاهر الذي أحله الله على سن 17 سنة و11 شهر جريمة ووضاعة ونجاسة وشهوانية حقيرة. بينما إذا مجموعة شباب حبوا يحتفلوا بعيد ميلادهم الـ 18 بممارسة الجنس مع بعض، أو مجموعة فتيات عملوا ذلك مع بعض، فهذا صح ومش غلط، هم حرين. وإذا حد حاول يمنعهم فهو مجرم.
لا لا، فين نيكولاس بيقول هذا الكلام؟ في فلسطين، في جمعية حقوقية اسمها "جمعية القوس". هذه الجمعية معنية بكثير قضايا حقوقية، واحدة من هذه القضايا اللي هي معنية فيها هي حماية المثليين والمثليات من تعنيف الشرطة الفلسطينية. لسبب ما أجهله، نزلت بيان حرضت عليهم وطالبت الشعب يبلغ عنهم ويخبر عنهم بسرية. "تعنيف الشرطة الفلسطينية، الأمن الفلسطيني المعنية بحماية الشعب عم بيحرض على الشعب وعم بيحرض الشعب على الشعب". إحنا "السليط الإخباري" عندنا وجهة نظر صادمة بخصوص هذا الموضوع، بجوز يعني تستغربوا، بجوز يعني شايفين إنه يعني مش معليش الشرطة تحرض على الشعب.
طبعاً علشان حضرتك تبلع الموس، لازم يخلط لك الموضوع بالقرف من السلطة المسلطة على رقاب المسلمين في فلسطين، واللي كل عاقل بيقرف منها. فتروح أنت تهرب من السلطة إلى نيكولاس اللي لابس قميص عليه صورة ذكر حاطة حمرة. يا أم السلطة يا أم دعم المثليين! طب ممكن تحدد لنا يا نيكولاس، الشذوذ هو شهوانية ولا حرية وحق شخصي؟ ولا لما تكون الشهوة في الزواج فهي شهوانية حقيرة، وإذا كانت في الشذوذ فهي حق شخصي محترم؟
نيكولاس بدافع عن إقامة حفلات "مشروع ليلى"، ويبدو مركن على أن كثيراً من متابعيه مش عارف مين "مشروع ليلى" هذا اللي بدافع عنه. ولازم يخليك تتقبل هذه المشاريع شوي شوي، لأنك لو سمعت إيش "مشروع ليلى" فراح تقرف، وأخلاقيات حلقاتي لا تسمح لي أن أعرض لكم أي من نتاج هذا المشروع. لكن باختصار شديد، "مشروع ليلى" بيشجع الشباب على أن يشتغلوا بغايا، والواحد فيهم بيغني مع نغم الموسيقى وبيحكي عن حاله أنه "ابن الليل"، يعني مش بس الإناث بيطلع لهم يكونوا بنات الليل، لا بيطلع للذكور يكونوا أبناء ليل ويبيعوا أجسامهم.
بالإضافة للتهجم على الإسلام كما نصت قناة "رؤيا" اللي كانت من ضمن المدافعين عن إقامة هذا الحفل. ففكرة إقامة هذا المشروع هو أن تقام لهم حفلات في العواصم العربية عشان الكل يسمع كلامهم هذا ويصير من التنوع في المجتمع الذي يجب احترامه بقوة القانون. طبعاً لازم نيكولاس يظهرهم بمظهر المقموعين المظلومين عشان تتعاطف معهم.
"مشروع ليلى" بدهم يعملوا حفلة في لبنان. هذه الحفلة عملت غضب شعبي ما بعرف ليش، وصار في مطالبات شعبية بإلغاء هاي الحفلة. "إحنا كـ 'سليط إخباري' شايفين أنه مش معليش الطالب بإلغاء حفلة فنية لأنها مش جاية على مزاجك". بيقول لك نيكولاس: "مش معليش يمنع هذا الحفل". خليهم يهاجموا الإسلام إذن، وخليهم يعلموا الشباب يكونوا أبناء ليل بيشتغلوا في الدعارة الذكورية، ليش زعلانين؟ معليش الزواج الطاهر ينمنع، بس هذه الحفلات مش معليش تنمنع. هذا هو نيكولاس خوري اللي جاي يعلمنا الصح والغلط وإيش الحقارة والوضاعة والشهوانية والنجاسة، ويوزع للناس الألقاب اللي خالفوا كلامه.
فبيستخدم مصطلح "البيدوفيليا" للهجوم على كل من لا يوافقه في كلامه عن زواج الفتيات دون الـ 18. وبيسمح لنفسه يقل أدبه ويحكم على مدن بأكملها بأنهم مرضى نفسيين. هلا مطلوب منا نمسك كل اللي احتجوا ونوديهم لمصحة نفسية نعالجهم من البيدوفيليا. آها، إذا بيحكم على أهل المدينة بأكملها من المسلمين أنهم مرضى نفسيين، وبأطرهم بلقب "البيدوفيليا" علشان بيقفوا في وجه السلطة الفلسطينية في موضوع زواج الفتيات. مش ملاحظ يا نيكولاس يا داعم أبناء الليل أنه هذه وضاعة في الوصف ووضاعة في التعميم؟ طبعاً هذه الاتفاقية هي اتفاقية "سيداو".
يعني هلا يا نيكولاس صرت مع السلطة اللي استفتيت ضدها مع أصحابك المثليين؟ السلطة اللي بتسلم شباب فلسطين للاحتلال وبتطعنهم في الظهر. صرت تنتقد عشائر الخليل المعترض عليهم؟ مش ملاحظ يا نيكولاس أنك بتصفق للقضاء المصري لأنه حظر زواج الفتيات، وهو نفسه القضاء الذي يوجد في سجونه 60 ألف معتقل سياسي حسب "الواشنطن تايمز"؟ مش على حساب يا نيكولاس أنت سليط على اللي بيخالفوا حقوق الإنسان؟ مش يا نيكولاس لما حد تساءل "ما حكم بيع الطعام للكافر في نهار رمضان" ما أعجبك؟ معنى أنك بتحكي عن حالك كافر وبتسأل "ما حكم البصق على صاحب المنشور"؟ طيب ممكن تحكي لنا ما حكم البصق على اللي بيصف أهل مدينة أنهم مرضى نفسيين وبيدوفيليين لأنهم متمسكين بدينهم؟ وبيبطّل هنا يحترم التنوع والاختلاف، وإنما فقط بيحترموا لما بيدافع عن أبناء الليل. وبيسمح لنفسه يقل أدبه بهذا الشكل مع ناس مش من دينه، بيدافع عن شيء من دينهم. وهو اللي طول الوقت بيتكلم عن الفتنة الطائفية.
وطبعاً الغريب أن الفيسبوك ما بيحذف هذه الإساءة لأهل مدينة الخليل ولا تخالف معايير المجتمع. مش عشائر الخليل هم أنفسهم من أول الواقفين في الدفاع عن الأقصى ومواجهة الاحتلال والقضايا اللي بتتغنى بيها وتستميل الناس بها يا نيكولاس؟ وهل ألفاظك هاي اللي بتعبر عن مستوى معين من الثقافة والأخلاق؟ نفهم إنك شايفها تنطبق على أهل الخليل يا نيكولاس؟ مش من حقنا لما نشوف عندك هذا التناقض يا نيكولاس إننا نتساءل إيش أجندتك؟ إيش أهدافك؟ لما تكون متناقض متلون بهذا الشكل وبلا مرجعية معلنة، مش ممكن تكون مندس مجند لهدم الأمة وعقائدها وما تبقى من أخلاقها وعوامق قوتها؟ ما تبعني شعارات رنانة ضد الاحتلال الصهيوني وأنت بتشتغل معه من تحت لتحت في تفكيك المجتمعات والأسر وتدمير أخلاقها؟ ولا لا تكون حضرتك شايف أنه لما "مشروع ليلى" يلف العواصم العربية ويقنع الشباب يصيروا أبناء ليل، فسيقومون بدحر المحتل بهز الخصور ووضع الحمرات على الشفاه؟
إيش أهدافك؟ ارسم لنا صورة اللي بتطمح بيها لمجتمعاتنا: زنا ومثلية وعلاقات محرمة وإجهاض وعزوف الشباب والفتيات عن الزواج وانتهاء مؤسسة الأسرة وامتلاء المجتمع بأبناء غير شرعيين وتوقف الإنجاب الحلال وشيخوخة المجتمع وكل هذه النماذج الفاشلة الموجودة في الغرب بدك تجيبها لعنا تحت مسمى الحرية و"معليش" و"مش معليش". وارسم لنا هدفك يا نيكولاس، إذا مستحي ترسمه فأنت شخص بلا مرجعية ولا هدف ولا علم، فقط بحركات بهلوانية، فرأيك ما إله أي قيمة عندنا كمسلمين.
قناة الـ AG Plus اللي بيعمل نيكولاس تحت مظلتها وبرعايتها تدعو إلى عدم تجريم الاتجار بالجنس، يعني البغاء، سواء للذكور أو الإناث أو المتحولين جنسياً. وبالتالي، إذا الفتاة صار عمرها 18 سنة وناقص عليها فلوس، خاصة مع سلب الأنظمة لثروات الشعوب وتجويع الرجل والمرأة وإذلالهم، أو لأنها ثارت على أبوها وإخوانها وصارت حرة، يأتي هؤلاء ليقولوا لها: "اشتغلي بالدعارة، إيش المشكلة؟ هذا أصلاً اسمه العمل في مجال الجنس، والعمل مشروع، المهم تكوني فوق الـ 18 ويكون برضاكي أو برضاك إذا كنت ابن ليل على تعبير أصحاب نيكولاس". هذا الكلام على القناة الإنجليزية علشان يخاطب الناس المثقفين أكثر. لسه نيكولاس مش هذا دوره لأنه بيلين عقول الناس اللي لسه عندهم بقايا شرف وأخلاق وثوابت.
نيكولاس دعم أبناء الليل، حصر زواج القاصرات في صورة واحدة سوداوية ثم هجم عليها وشحن نفسك تجاهها، وبالمعية تجاه زواج كل من هن دون الـ 18 بشكل عام. نفس مغالطة "رجل القش" اللي بيتكلم هو نفسه عنها.
طيب، لو بنت عمرها 16 و17 سنة، يعني قاصر حسب تعريف نيكولاس، تزوجت برضاها وموافقة أبوها من شاب فاضل محترم صانها أحبها أحبته، لا ممنوع. طيب، لو واحدة عمرها 16 و17 سنة قالت: "أنا أريد أن أتزوج"، يقول له نيكولاس: "ممنوع، هذه جريمة وحقارة ووضاعة ونجاسة وشهوانية". ليش؟ هو في بنت عمرها 16 و17 سنة بتفكر بالزواج؟ طبعاً وأكيد، وهذه غريزة طبيعية في كل ذكر وفي كل أنثى بعد البلوغ. ويصلني ويصل غيري رسائل حول حالات وطلب مشورة في هذا المجال، ولولا حساسية الموضوع لنشرت نموذجاً منها. طبعاً نيكولاس وشلته ممكن يقلبوا حالات من هذا النوع إلى مسخرة، مع أنها تمثل آلام ضحايا من ضحايا فكرهم المسموم وإرهابهم ضد الشباب والفتيات اللي بيحلموا يعيشوا ويأنسوا بالزواج الحلال.
هؤلاء الشباب والفتيات دون الـ 18 هم أنفسهم لو قالوا: "بدنا نزني"، راح تلاقي نيكولاس أول واحد يتفهم همومهم ومشاعرهم وبيدافع عن حقوقهم في فعل ما يشاءون. أنت يا نيكولاس يا اللي رسمت صورة سوداوية واحدة لزواج الفتيات دون الـ 18، لو واحدة عمرها 18 سنة عايشة بالحرام مع واحد عمره 50 سنة في شقته، ولما حملت منه وكبر بطنها وتغير شكلها، اترفس ببطنها عشان يجهض الجنين، فما زبط معه، فطرده. وهي ماسكة برجله تترجاه يخليها في بيته لأنه أبوها وإخوانها مش معترفين ولا مهتمين بيها. مع ذلك ضربها بكوس على وجهها وهو سكران وشاتها شلوط ولا بره البيت. هذا الكلام يا ترى بيصير في الدول المتقدمة؟ طبعاً طبعاً وبكثرة جداً، لكنه مش جانب تعرضه هوليوود، ووثقنا لكم إحصائياته وصور منه في حلقة "ضرب المرأة".
إذا ورجيناك بدل النموذج من هذا النوع مليون يا نيكولاس، فهل بتيجي بتحكي: "بما أنه العلاقات غير الشرعية بتجيب لنا نموذج حقير ووضيع شهواني نجس زي هذا النموذج، فلازم نمنع العلاقات المحرمة"؟ لا والله ما بتقولها، لأنه مش هذه مهمتك. أنت مهمتك فقط تحارب الحلال وتخلط بمحاربة بعض الأمراض الاجتماعية الموجودة فعلياً.
ففي المحصلة، دعم أبناء الليل نيكولاس ما إله علاقة بالإسلام، بل بيحكي لك: "يا جماعة أنا كافر بالبونت العريض وبحكي لهم بدنا نكفر بدنا نكفر". ومع هيك بيجوا بيسمعوا لي علشان يتسلوا لأنه دمي خفيف. إيش عاملك إذا أنا بستهزئ بشعائر مسلمينك وبدافع عن اللي بيستهزئ بربكم وبنبيكم، مع ذلك بيحبوني والتسلي والضحك عندهم أهم وأعز من ربهم ونبيهم ودينهم؟ هل أنا اللي منعت المسلمين يقرأوا الآية اللي عندكم في القرآن: {وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ}؟
يا إياد، صحيح أنا مرات بزلط لهم المسخرة على الدين من حيث لا يشعرون، لكن هذه شغلتي أنا بس أترزق من أموال المسلمين بشغلي في قناة بتدخل الكفر على المسلمين. مرة تحت ستار تبسيط العلوم مثل "الدحيح" و"الإسبتاليا"، ومرة تحت ستار الأخبار مثلي أو الكوميديا مثلي مثل "شولة". إذا مسلمينك مش قادرين يفهموا شو أعمل لهم؟ مش في القرآن عندكم إنه الشيطان بيقول لأتباعه يوم القيامة: {وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ}؟ لا تلومني لومهم هم.
إذا قال نيكولاس هذا الكلام، فبصراحة مش راح أقدر أرد عليه. ولذلك بخاطبكم أنتم يا شباب يا بنات وبقول لكم: {يَا أَيُّهَا الَّذِينَ آمَنُوا إِنْ تُطِيعُوا فَرِيقًا مِنَ الَّذِينَ أُوتُوا الْكِتَابَ يَرُدُّوكُمْ بَعْدَ إِيمَانِكُمْ كَافِرِينَ * وَكَيْفَ تَكْفُرُونَ وَأَنْتُمْ تُتْلَى عَلَيْكُمْ آيَاتُ اللَّهِ وَفِيكُمْ رَسُولُهُ وَمَنْ يَعْتَصِمْ بِاللَّهِ فَقَدْ هُدِيَ إِلَى صِرَاطٍ مُسْتَقِيمٍ * يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ}.
والسلام عليكم ورحمة الله.