الرد على إنكار علي كيالي لعذاب القبر
هل موضوع عذاب القبر مهم لدرجة أننا نعمل عنه حلقة بدل ما نعمل حلقة عن الصدق أو الأمانة أو العدل؟ يعني الناس طلعت القمر وإحنا لسه بنتكلم في عذاب القبر؟ إيه الدليل من القرآن إن فيه حاجة اسمها عذاب قبر أصلاً؟ إيه ضمننا إن الأحاديث اللي بتتكلم عن عذاب القبر صحيحة والنبي قالها فعلاً؟ وبعدين هو مش منصور كيالي أثبت إن ما فيش عذاب قبر؟ طب دول بيقولوا إن الشيخ الشعراوي -والله يرحمه- قال ما فيش عذاب قبر.
عقيدة أهل السنة والجماعة
عقيدة أهل السنة والجماعة إن عذاب القبر ثابت بالكتاب والسنة المتواترة القطعية والإجماع، عشان كده الإيمان بعذاب القبر واجب شرعاً.
الأدلة من القرآن الكريم
آية "النار يعرضون عليها غدواً وعشياً"
قال تعالى: {النَّارُ يُعْرَضُونَ عَلَيْهَا غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ}.
والنبي صلى الله عليه وسلم بيشرح لنا الآية دي فبيقول: "إن أحدكم إذا مات عُرض عليه مقعده بالغداة والعشي، إن كان من أهل الجنة فمن أهل الجنة، وإن كان من أهل النار فمن أهل النار، فيقال هذا مقعدك حتى يبعثك الله يوم القيامة". هتلاقي الحديث ده فين؟ في البخاري ومسلم. لا صحيح، أنتوا بتزعلوا من حتة البخاري ومسلم دي. طب ورقة وقلم واكتبي معايا يا ست الكل، الحديث هتلاقوه في سنن الترمذي والنسائي وأبو داود وابن ماجه والبيهقي وموطأ مالك ومسند أحمد.
الرد على تفسير منصور كيالي للآية
منصور كيالي قال إن الآية دي مش دليل على عذاب القبر. إزاي؟ تعالوا نسمع كده. قال تعالى عن آل فرعون: "النار يعرضون عليها غدواً وعشياً". بيقول إن العذاب هو إن النار تُعرض على الشخص، مش إن الشخص يُعرض على النار. وإن "النار يعرضون عليها" معناها إن ربنا بيعرض أسماء الكفار غدواً وعشياً كل يوم على النار حتى وهم على قيد الحياة. يعني كلامه إن النار هي اللي بتشوف أسماء الكفار كل يوم، مش الكفار اللي بيشوفوا النار في قبورهم.
ده طبعاً جهل شديد باللغة وبالقرآن. في اللغة مفيش فرق بين إن فلان يُعرض على النار وإن النار تُعرض عليه، ده اسمه في اللغة "المقلوب". يعني العرب تقول: "عرضت دابة على الحوض" وهم يقصدوا "عرضت دابة على الدابة". والعرب بيقولوا برضه: "أدخلت الإصبع في الخاتم" و "أدخلت الخاتم في الإصبع"، و "أدخلت القلنسوة رأسي" و "أدخلت رأسي القلنسوة". أي حد من اللي بيتفرجوا على الحلقة دي يقدر يفتح أي معجم زي مثلاً لسان العرب أو مختار الصحاح أو المعجم الوسيط أو تاج العروس أو المصباح المنير، وهيلقوا كلامي ده مكتوب بالنص في معنى كلمة "عرض".
وده مش بس جهل باللغة، ده كمان جهل بالقرآن. لأن ربنا لما أراد يعرفنا أن الكافرين هيشوفوا النار وينظروا لها استخدم نفس التعبير "يعرضون على النار". ربنا بيقول في سورة الشورى: {وَتَرَاهُمْ يُعْرَضُونَ عَلَيْهَا خَاشِعِينَ مِنَ الذُّلِّ يَنظُرُونَ مِن طَرْفٍ خَفِيٍّ وَقَالَ الَّذِينَ آمَنُوا إِنَّ الْخَاسِرِينَ الَّذِينَ خَسِرُوا أَنفُسَهُمْ وَأَهْلِيهِمْ يَوْمَ الْقِيَامَةِ أَلَا إِنَّ الظَّالِمِينَ فِي عَذَابٍ مُّقِيمٍ}. يعرضون عليها وينظرون وعذاب عايز إتاني.
وفي سورة الأحقاف ربنا بيستخدم نفس التعبير عشان يعرفنا أن الكفار شايفين النار وبيسألهم عن العذاب اللي شايفينه وبيقولهم: {أَلَيْسَ هَذَا بِالْحَقِّ؟} {وَيَوْمَ يُعْرَضُ الَّذِينَ كَفَرُوا عَلَى النَّارِ أَلَيْسَ هَذَا بِالْحَقِّ؟ قَالُوا بَلَى}. وربنا قال: {فَذُوقُوا الْعَذَابَ بِمَا كُنتُمْ تَكْفُرُونَ}. تقوم يا راجل تقول للنار بيتعرض عليها كشف بأسماء الكفار؟ ده تفسير ده؟
أنا مش عارف ليه يا جماعة ما بتصدقوش أن الألف وربعمائة سنة مفسرين وفقهاء ومحدثين بالمئات كانوا بيقروا القرآن والله وبيفهموا أحسن منكم. على الأقل كانت الفصحى لغتهم الأم. فدي نصيحة للأخ منصور كيالي: من فضلك قبل ما تتكلم في تفسير آية اقرأ القرآن كله كويس، ولو حاسس إن ده صعب وهياخد وقت ممكن تفتح معجم وتجيب معنى الكلمة وتشوف العرب بيقولوا إيه.
الرد على "لا عذاب قبل الحساب"
طيب خلينا نمشي مع منصور كيالي وفهمه للآية وهوريكم إنه بينقض نفسه. ليه ما قلتش الكلام ده لنفسك لما قلت إن ربنا بيعرض أسماء الكافرين على النار يومياً في الدنيا وهم أحياء؟ مهو برضه السجل لسه متقفلش. ولو هتقولي لأن ربنا يعلم الغيب ويعلم مصيرهم وأنهم في النار، هرد بنفس الكلام وهقولك مهو لما بيعذبهم في القبر برضه بيبقى عالم الغيب وعالم أن مصيرهم النار.
لماذا نكذب عشرات الآيات أنه لا عذاب قبل الحساب؟ لا ده حضرتك اللي بتكذب الآيات مش إحنا. لأن ربنا عذب ناس في الدنيا وقال لنا ده في القرآن. فمدام ربنا عذبهم في الدنيا مش مستبعد أنه يعذبهم في قبرهم. {وَإِن يَتَوَلَّوْا يُعَذِّبْهُمُ اللَّهُ عَذَابًا أَلِيمًا فِي الدُّنْيَا وَالْآخِرَةِ} سورة التوبة. {فَأَرْسَلْنَا عَلَيْهِمْ رِيحًا صَرْصَرًا فِي أَيَّامٍ نَّحِسَاتٍ لِّنُذِيقَهُمْ عَذَابَ الْخِزْيِ فِي الْحَيَاةِ الدُّنْيَا}. وفي سورة الأحقاف ربنا بيقول: {بَلْ هُوَ مَا اسْتَعْجَلْتُم بِهِ رِيحٌ فِيهَا عَذَابٌ أَلِيمٌ}. كل دا كان في الدنيا وربنا سماه عذاب. فإزاي لا عذاب قبل الحساب يا حج منصور؟
الرد على شبهات منصور كيالي
شبهة "لا قبر، لا عذاب"
مفيش عذاب قبر يا جماعة عند منصور كيالي لأنك ممكن ما تندفنش في قبر، ممكن السمك يأكلك. شايف المنطق؟ إنسان أكله السمك، إنسان مقابر جماعية، إنسان إنسان إنسان. طيب ينفع بنفس المنطق ننكر البعث عشان ربنا في القرآن قال إن البعث من القبور وفي ناس السمك هيكلها؟
طيب والله لأسمعكم آيات البعث بصوت منصور كيالي نفسه: {وَنُفِخَ فِي الصُّورِ فَإِذَا هُم مِّنَ الْأَجْدَاثِ إِلَى رَبِّهِمْ يَنسِلُونَ قَالُوا يَا وَيْلَنَا مَن بَعَثَنَا مِن مَّرْقَدِنَا}. الفكرة يا أستاذ منصور إن ده اسمه "التغليب في اللغة". الغالب إن الناس بتموت وتندفن في القبور، فما فيش مشكلة خالص إن الأحاديث تستخدم كلمة عذاب القبر زي ما القرآن استخدم في البعث كلمة الأجداث اللي هي القبور، واستخدم كلمة مرقدنا مع إن الإنسان ممكن يكون السمك كله ومش راقد ولا حاجة. ومش هيبعث في الحالة دي من القبر. وما فيش مشكلة أصلاً إن الشخص يتعذب حتى لو تحرقه بأرماد. دي حياة برزخية لا تخضع لقوانين الفيزياء، زي النايم اللي بيحلم إنه سافر واتسجن واتعذب وانضرب وهو ما اتحركش من سريره.
شبهة "الراقد مرتاح"
أسوأ حاجة بقى وبعتبرها عار في حق الأمانة العلمية إن دايماً منصور كيالي بيحط معنى إضافي من دماغه للكلام. هديكم 3 أمثلة. الكافر ماذا سيقول يوم البعث؟ {قَالُوا يَا وَيْلَنَا مَن بَعَثَنَا مِن مَّرْقَدِنَا}. راقدة مرتاح! مين قال إن كل راقد مرتاح؟ حاضر، لما مريض بالسرطان يبقى راقد وبيتقلم في السرير هقوله اسكت يا حبيبي أنت مرتاح، أنت هتفهم أكتر من منصور كيالي؟ الموضوع ببساطة إن أهوال يوم القيامة مفيش حاجة شبهها، فاللي هيخرج من القبر هيتمنى يرجع للقبر تاني من الأهوال اللي بيشوفها، لأن اللي شافه في القبر أكيد نسخة مصغرة جداً من اللي هيحصله.
شبهة "عرض جهنم للمرة الأولى"
طب اسمع دي كمان: {وَعَرَضْنَا جَهَنَّمَ يَوْمَئِذٍ لِّلْكَافِرِينَ عَرْضًا}. فكيف سيراها الكافر آلاف السنين ثم الله يقول سوف تعرض عليه للمرة الأولى يوم البعث؟ نفس الحركة، بيضيف معنى غريب لكلمة "يومئذ" فيقول "للمرة الأولى". جابها منين للمرة الأولى دي؟ معرفش بقى.
"وعرضنا جهنم يومئذ للكافرين" معناها إنها هتعرض للمرة الأولى يوم القيامة مش قبل كده؟ يعني بقى لما ربنا يقول: {إِنَّ رَبَّهُم بِهِمْ يَوْمَئِذٍ لَّخَبِيرٌ} نقول إن ربنا هيكون خبير بينا للمرة الأولى يوم القيامة؟ وبنفس منطق الأخ منصور كيالي لما ربنا يقول: {كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ} يبقى معناها أن الكفار كانوا بيشوفوا ربنا في الدنيا وما كانوش محجوبين عنه؟ ولما ربنا يقول: {فَذَلِكَ يَوْمَئِذٍ يَوْمٌ عَسِيرٌ} يبقى العذاب اللي ربنا أهلك بي الأمم وسماه أليم وسماه أيام نحسات ما كانش عسير؟
شبهة "توقف الزمن في البرزخ"
مثال ثالث هتشوفوا إزاي منصور كيالي بيلعب بمعنى كلمة البرزخ عشان يثبت إن الزمن بيتوقف بالميت فلا بيشوف عذاب ولا نعيم هناك. "يومين: يوم قيامة سيكون فيه دمار الأرض ويوم آخر للبعث والحساب، بينهما الزمن متوقف تماماً". إذا كان الزمن متوقف بالميت تماماً زي ما بتقول، تفسر بإيه قوله تعالى: {وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِندَ رَبِّهِمْ يُرْزَقُونَ}. أحياء يرزقون فين بقى؟ في عائل في كوكب الأرض؟ مش عارف أنه يرزقون دي مقصود بيها يرزقون في حياة البرزخ؟ يعني في حياة في البرزخ أهو والزمن مش متوقف؟
وتعليقاً بقى على تعريفك الخزعبلّي للبرزخ بأنه الحاجز الخفيف، فدي تالت مرة تلعب بالألفاظ. البرزخ هو أي حائل بين شيئين، حائل خفيف بقى أو ثقيل مفيش فرق، كله اسمه برزخ. أي معجم بـ 2 جنيه وربع فيه معنى كلمة برزخ، فبشوفوها يا جماعة الله يكرمكم.
شبهة "إبليس المستفيد الوحيد"
اسمعوا بقى النكتة دي: "إذا كان يوجد عذاب في القبر فالمستفيد الوحيد إبليس لأنه سيموت آخر آخر المخلوقات على الأرض، فهل الناس يتعذبوا في القبر وإبليس يسرح ويمرح؟" يعني مفيش عذاب قبر لأن كده إبليس هيبقى مستفيد وبيسرح ويمرح؟ طب ليه ربنا أهلك الأمم الكافرة بالريح والصيحة والحجارة وسمى ده عذاب أليم؟ ما هو إبليس ساعتها برضه كان بيسرح ويمرح بنفس المنطق في الوقت اللي كان الكفار فيه بيتعذبوا. الحاج منصور كيالي بيقولك كده الكفار تعذبوا أكتر، بيقيس عذاب ربنا بالكبشة! ما يعرفش إن ربنا قادر يضاعف العذاب على إبليس، ومال إيه معنى شديد العقاب وعلى كل شيء قدير؟
شبهة "التراب لا يعذب"
"لماذا الكافر يوم القيامة يقول يا ليتني كنت تراباً لكي ينجو من العذاب؟ إذن التراب لا يعذب والله يقول أن الميت سيصبح تراب أإذا متنا وكنا تراباً وعظاماً؟" أهذا تدليس رسمي. الكافر لما بيقول: {يَا لَيْتَنِي كُنتُ تُرَابًا} يقصد ياريتني ما اتخلقت بشر، يقصد ياريتني اتخلقت جماد فما حملتش الأمانة واتحاسبت. إيه علاقة ده بعذاب القبر مش فاهم؟
عقيدة أهل السنة كلهم إن مش بس في عذاب قبر، ده فيه كمان نعيم قبر. وعقيدة أهل السنة كلهم إن عذاب القبر ده مجرد نموذج مصغر من اللي هيحصل في الآخرة. ومحدش أنكر الكلام ده غير بعض الفرق الضالة زي الخوارج والمعتزلة.
موقف الشيخ الشعراوي
وبالمناسبة هنا لازم ننبه لتدليس تاني عمله منصور كيالي. يا أخي والله العظيم المرحوم الشعراوي -عليها رحمة الله- أول ما قال أنه لا يوجد عذاب في القبر. الشيخ الشعراوي -الله يرحمه- ما أنكرش عذاب القبر، هو نفى بعض صور عذاب القبر مع إنها ثابتة ومتواترة من سنة النبي زي ما هنشوف، ودي زلة من زلات الشيخ الله يرحمه.
إذن فعذاب الحياة الدنيا شيء وبعد ذلك يأتي عذاب القبر، يبقى كلمة يردون ليوم القيامة وعذابين: عذاب في الزمن الأول للحياة الدنيا وعذاب في مين؟ في القبر. عذاب القبر هو في عذاب؟ قال لك آه العذاب في القبر هو لون من عرض ما يعذب به الكافر. فاكرين آية {النَّارُ يُعْرَضُونَ عَلَيْهَا غُدُوًّا وَعَشِيًّا} اللي منصور كيالي قال إن مش معناها إن الكفار هيشوفوا النار في قبورهم؟ تعالوا اسمعوا تفسير الشيخ الشعراوي للآية الأخيرة: "المال بقى يعرضون عليها يبقى العرض في زمن الموت فقط". فعشان كده كان عيب قوي لما منصور كيالي يدلس على الناس ويقولهم الشيخ الشعراوي أنكر عذاب القبر، مع إن الشعراوي كلامه عكس كلام منصور كيالي تماماً.
الأدلة من السنة النبوية
اتكلمنا في الدليل من القرآن، تعالوا بقى نشوف الأدلة من السنة. في البداية فكرت أقول لكم الأحاديث اللي بتثبت نعيم القبر وعذابه، فلقيت إن مجرد ذكر الأحاديث هياخد ساعة تقريباً. 107، 107! طبعاً المساكين اللي بيقولوا الأحاديث دي مجذوبة يفضل أنهم يقفلوا الحلقة من دلوقتي، عشان لو أنت متصور أن 107 حديث رواهم أكتر من 40 صحابي مجذوبين يبقى ما فيش نقاش عقلاني هينفع معك أصلاً.
لكن اختصاراً للوقت هديكم ملخص سريع للـ 107 حديث دول:
- أمر النبي صلى الله عليه وسلم بالاستعاذة من عذاب القبر عموماً.
- أمر النبي صلى الله عليه وسلم بالاستعاذة من عذاب القبر بعد التشهد الأخير في الصلاة.
- علمنا النبي صلى الله عليه وسلم الاستعاذة من عذاب القبر في أذكار الصباح والمساء.
- أخبرنا النبي صلى الله عليه وسلم بالأشياء التي توجب عذاب القبر زي النميمة وعدم الاستبراء من البول.
- أخبرنا النبي صلى الله عليه وسلم عن سؤال الملكين وعن نعيم القبر وعذابه اللي مش بس فيه عرض على النار، ده فيه كمان ضرب بمطارق من حديد وفيه أنواع تانية من العذاب.
- علمنا النبي صلى الله عليه وسلم أن الشهيد يجار من عذاب القبر.
- دعا النبي صلى الله عليه وسلم في غزوة الأحزاب على المشركين أن يملأ الله قبورهم ناراً.
- أخبر النبي صلى الله عليه وسلم الصحابة عن ناس معينة تعذب في قبورها.
بعض الحاجات اللي قلتها بيبقى فيها عشر أو خمستاشر حديث، فسامحوني إني مش هقدر أقرأ الأحاديث دي لأني بتعمد أصر وقت الحلقة قدر المستطاع. اتعبوا شوية من فضلكم واقرأوا الأحاديث من الكتاب اللي لسه قايلكم عليه "أسباب العقيدة، العقيدة الإسلامية".
الرد على "ظني الثبوت الحديث"
مع احترامنا الشديد الشديد جداً للحديث الشريف، تؤخذ من قطعي الثبوت من القرآن وليس من ظني الثبوت الحديث. أهي كلمة "ظني الثبوت الحديث" دي كارثة علمية، لأن السنة فيها المتواتر وده قطعي الثبوت، وعذاب القبر ثابت بالتواتر. والتواتر أقوى أدلة النقل. القرآن نفسه إحنا متأكدين أن النبي قاله لأنه من قول لنا بالتواتر. والتواتر في منه لفظي ومعنوي. عذاب القبر متواتر تواتراً معنوياً، وفي كتب عدد الصحابة اللي رووا أحاديث عذاب القبر فوصلوا أكتر من أربعين صحابي. اللي عايز يقرأ أسماء الصحابة دول يقرأ كتاب "نظم المتناثر من الحديث المتواتر"، هحط لكم الرابط بتاعه برضه أسفل الفيديو. يعني باختصار عذاب القبر مش ظن الثبوت، ده قطعي والإيمان بيه واجب. ولولا إن الحلقة كده طولت قوي كنت ذكرتلكم كام فقيه وعالم من علماء الأمة اتكلم عن تواتر أحاديث عذاب القبر، مش كلام الحنابلة ولا أهل الحديث بس، ده حتى أبو الحسن الأشعري نفسه. وكنت نقلتلكم الكلام عن إجماع الصحابة والتابعين على عذاب القبر.
لماذا ينكر منصور كيالي عذاب القبر؟
بس أنا قعدت أسأل نفسي هو ليه الأخ منصور كيالي عمال يعيد ويزيد ويعمل مقاطع لإنكار عذاب القبر؟ يعني إيه الهدف؟ "يكتبون لي دوماً يعني أنا خلاص ذاهب إلى الإلحاد لماذا يا أخي عذاب في الدنيا وعذاب في القبر وعذاب يوم القيامة وعذاب وعذاب ما بدي هلك الموضوع كله". شايفين يا جماعة الشباب كان هيلحد عشان عذاب القبر، فالأستاذ منصور -بارك الله فيه- قال لهم لا مفيش عذاب قبر. ده فيه بس عذاب النار اللي بتحرق الجلود وتتبدل وتتحرق تاني، وفيه زقوم ومهل يشوي الوجوه ويغلي في البطون. فالشباب اللي هيلحد قال الحمد لله على عذاب جهنم، ده إحنا كنا هنلحد بسبب عذاب القبر، لكن مدام في عذاب جهنم فإحنا كده هندخل الإسلام ونعيش في تبات ونبات ونجيب مسلمين ومسلمات.
الغريب بقى إن منصور كيالي عمل 3 فيديوهات عن عذاب القبر والناس هتك يا شير وآلاف المشاهدات على يوتيوب وفيسبوك. دلوقتي حسان بيرد على منصور كيالي، شوف بقى التعليقات اللي هتبقى تحت الفيديو: "الناس طلعت القمر وأنتوا لسه بتتكلموا عن عذاب القبر يا أمة انضحكت من جهلها الأمم، بتتكلموا في قشور الدين وسايبين اللب والجوهر والأمانة والصدق". وزي ما أنت شايف يا سيدي عذاب القبر بيبقى قشور بس لما نثبته ويبقى من مظاهر التقدم العلمي لما يطلع حد ينكره. فالله يكرمك لو مش عاجبك الكلام عن القشور بطل تعمل شير للقشور لما يتكلم عنها منصور كيالي بدل ما تزعل من اللي بيرد على القشور ده. طبعاً بصرف النظر عن إن عذاب القبر مش قشور أصلاً.
السلام عليكم.