لما تصاحب شخص ما عنده خطوط حمراء
الصفحة الشخصية على الفيس بوك https://www.facebook.com/EyadQunaibi ===== الحساب على التويتر https://twitter.com/Dr_EyadQun
لما تصاحب شخص ما عنده خطوط حمراء
الصفحة الشخصية على الفيس بوك https://www.facebook.com/EyadQunaibi ===== الحساب على التويتر https://twitter.com/Dr_EyadQun
مرات واحد بيحكي لك: "سمعت آخر نكتة؟"، تفضل.. يحكي لك: "مرة جبريل وقف على..."؛ شو جبريل؟ شو جاب المزحة لجبريل؟! أوعى، أوعى تقرب على هذا الحمى المقدس.
لذلك وصية مهمة جداً لكل شاب بيسمعنا: أنت إذا ما بتتجرأ على هذه المعصية، إياك ثم إياك أن تصاحب إنساناً ما عنده قداسة، ما عنده خطوط حمراء. والله ممكن يضحكك على دينك ويطلعك من دينك وأنت مش شاعر. يحكي أمامك شيء، وبدل ما تغضب ويفور دمك -لأنه أنت عندك ضعف إيمان- تضحك! وبعدين تقول: "أستغفر الله"، هيك ببساطة؟ "أستغفر الله"؟ أنت انخلعت من دينك إذا ضحكت على الاستهزاء بشعيرة من شعائر الإسلام، أو بالله عز وجل، أو بآية من الآيات.
فلذلك ابعد عن هؤلاء الناس تماماً تماماً. طيب هو دمه خفيف والله بيضحك؟ بضحكك بس والله يوم القيامة يبكيك: وَيَوْمَ يَعَضُّ ٱلظَّالِمُ عَلَىٰ يَدَيْهِ يَقُولُ يَـٰلَيْتَنِى ٱتَّخَذْتُ مَعَ ٱلرَّسُولِ سَبِيلًا يَـٰوَيْلَتَىٰ لَيْتَنِى لَمْ أَتَّخِذْ فُلَانًا خَلِيلًا لَّقَدْ أَضَلَّنِى عَنِ ٱلذِّكْرِ بَعْدَ إِذْ جَآءَنِى ۗ وَكَانَ ٱلشَّيْطَـٰنُ لِلْإِنسَـٰنِ خَذُولًا
يا ريتني ما صحبت هذا المنحوس! هؤلاء ابعد عنهم تماماً، بطلعوك من دينك. ولو مرات واحد فيهم بينكت لك بعدين بقول لك: "هاها اضرب كف"، يعني اضرب كف على ايش؟ على استهزائك بالله وآياته؟!
المحاور: صدقت والله يا دكتور، يعني أنا كواحد من الناس كثير حاسسها ملموسة في الوقت الحالي. بتعرف بصراحة، صار بيسوى في كثير من الجلسات -خاصة المجالس مع ناس أنت ما بتعرفهم أو بتشوفهم لأول مرة- ولأنه في استهانة بهذا الموضوع وبعضهم مش حاسس حاله إنه بيقوم بجريمة لأنه "بينكت" بس أو بيمزح؛ صدق صار بيسوى إنك تحكي في بداية الجلسة: "ترى يا جماعة بدي أحكي لكم حاجة، أنا صح -الله يتوب علينا- وعندي مشاكلي، لكن ما حد يقرب على حمى الدين".
بعديها يحكوا عنك معقد، متشدد، صاير شيخ.. يحكوا اللي بدهم يحكوه، لكن حفاظاً على دينك فهم الناس من البداية، خاصة إذا بتجلس مع ناس أنت مش عارف ميتهم.
الدكتور: والله نقطة حلوة هي، نعم.
المحاور: من البداية تبلش هيك، أو تتكلم، لأنه -دكتور سوري ولا مقطوع بحديثك- صح كلامك لي ونقطة جداً مهمة، لأنه أنت ممكن تكون متخوف في نص الجلسة يصير هذا الموقف، فأنت شو تتصرف؟ خجل أو مثلاً بدك تجامل على حساب دينك؟ مصيبة! عرفت؟ لا، فحلها من البداية: "في الدين ما حد يمزح".
الدكتور: ولذلك، مجرد ما جاب سيرة آيات الله، ورسول الله، والدار الآخرة، والله، والملائكة كمان؛ اقطع على طول، ما تسمحلوش يكمل أصلاً.